السبت، 27 يونيو، 2015

دراما الهوية الخفية / نقاش







دراما تزامنت مع عودة ممثل كلنا اشتقنا اليه " كيم بوم "
دراما أول ماشفت أعلاناه فكرت .. هل ستكون ممتعة فعلاً أو أنه مُجرد إستغلال أخر لأسم أحد المشاهير ؟
وكانت المفأجاة ..... دراما بعيدة كل البعد عما أعتدنا عليه
بطريقة ما فكرتني في فلم رجل من اللا مكان ... أغلبكم يذكره ويذكر كم كان متقن
الكاست كله متناغم وكانهم فعلاً فريق تحقيقات واحد 
منسجمين كل شخصية منهم أتقنت دورها وبإبداع 


قائد الفريق جانغ ... شخصية حلوة قليلة الكلام ، حكيم ... حركاته الدفاعية رهيبة
مساعدة المدير جانج ... هي وتحليلاتها النفسية للشخصيات فعلاً بيرفكت 
غير أكشناتها الغير طبيعية .. حبيتها  
هيونجنيم الرقيب .. الشخصية اللطيفة والمحبوبة اللى تتواجد بكل الدرمات الكورية 
عبقري الكمبيوتر دوك ... هههههههـ كل ما اشوفه اضحك وخصوصاً لما قال لكيم بوم لا تنعتني بالالقاب
غون وو .. الشخصية المتألمة .. نفسي أشوفه يضحك ، كان فاكر أنه لوحده العايش في الألم
بس لما شاف الملازم أول مين .. وسعيه للأنتقام طوال الثلاث سنوات ليوصل للشخص اللى قتل أخته
عرف أن الحمل نفسه والألم نفسه كان صديق عمره بيعاني منه 

" ثلاث مشاهد لاتنسى "
شريك غون وو وحلمه في أن يخلي العالم أفضل من اجل أبنته ، وكيف في لحظة
كان مرمي على الأرض غارق في دمه ... !
الملازم أول مين .. طريقة التعذيب المؤلمة ...
المُعلم جونغ .. لما مات على الرغم من كونه شخصية شريرة بس لانهم اعطونا 
لمحة انسانية عن حياته " أبنته " تألمت كثير بسبب موته 
" الشبح لايراه الاحياء "
ياترى مين حيكون ؟ ... والحكومة ماتعرفه صح ؟ هل هو عميل مزدوج ؟
أو مجرد ارهابي يعشق الموت والقتل ويحب رئحة الدم بلا سبب ؟

كل الشخصيات الفرعية اتقنت دورها .. الباكقراوند للحلقة 4 كانت خالية من الاخطاء 
منتظرة بالفعل الحلقة 5 بشوق


وأخيراً 

م . نزولاً عند رغبتكم تم إفتتاح تدوينة تتعلق بدراما الهوية الخفية 
لو حابين تتناقشوا في اي دراما بلغونا وراح نفتتح لها موضوع خاص


هناك 23 تعليقًا:

  1. الدراما مافكرت ابدا اتفرجها بس من الطفش قلت خليني حبدأ فيه وبجد اكتشفت نفسي محظووظة اختياري كان في محله ..
    مسلسل راائع غير عن اللي تعودنا عليه بالذات هذه السنة الدرامات كانت متشابهة بدرجة كبيرة فكنا محتاجين لهذا النووع من الدرامات
    بالنسبة للكاست بصراحة كي بوم بعض المشاهد ماعجبني تمثيله تعبيراته بالذات مزعجة هههه ماادري اذا انا الوحيدة اللي حسيت كذا ولا في احد مثلي !!
    قائد الفريق مبدع متقن بس انتظر مشاهده اول مرة اشوفه بس بجد ممثل بااارع ...
    مساعدة المدير في البداية انقهرت يوم شفتها في البوستر حسيتها تشبه اللي كانت في باد قايز بس بعد ماشفت تمثيلها غيرت رأيي تماما تستاااهل تكون البطلة رووعة اتقنت دوورها ..
    اما الاجاشي حقنا الهيونجيم واااه ذا عششق ماعليه كلام لدرجة قررت اتابع كل دراماته ..
    العبقري دوك اممممم بصراحة تمثييله ابداااع بس عن نفسي تمنيت لوجابوا واحد غيره ..لاني احنا دايما نرسم في بالنا شكل العبقري واحد شكله بريء كيوت ولابس نظارات وكذا يعني ههه بس شكلي بديت اقتنع فيه ...
    شكرا لك ع طرح المناقشة حبيت الفكرة وشي جميل نبدي اراءنا

    •°MB

    ردحذف
  2. لما شفت تريلر الدراما قررت أشوفها مرة شدني
    أول حلقة كانت مخيبة للآمال شوي , مليت وانا اتابعها ممكن عشانها البداية بس
    الحلقة الثانية طبعا أفضل !
    الثالثة والرابعة مرة مرة حماس وماقدرت اشيل عيني , بالعادة اشيك على جوالي وانا اتفرج بس هالمرة ماقدرت من الحماس هههه
    جدا جدا معجبة بالفريق ومن جد متوافقين مع بعض
    لكم كيم بوم شوي محيرني ؟ مدري تمثيله للفجعة أو التمثيل بأنه متفاجئ لما شاف الملازم مين ما كان مضبوط , حسيت انه يعبط وجهه عشان عنده مغص ههه!
    عموما دراما رائعة ومن اسباب متابعتي انكم انتم تترجمونها :$
    وأتطلع للمزيد من هذي الدراما :$

    ردحذف
  3. سبحان الله هالدراما مدري ليش اول ماشفت اعلانه قلت ياربي بايخه بس اليوم الصبح ماكان عندي ولاشي اسويه ومن الطفش قلت شكلي بشوف هالدراما اول حلقه اذا جازت لي كملت والله العظيم مانمت لمين شفت كل الاربع حلقات من الحماس وكيم بوم هو اللي محلي الدراما وصدق كل واحد كان متقن دوره ع اني كارهه اول مين احسه نذل من مسلسل الام الغاضبه عجزت اتقبله تقل هينا شوي جالسه اتقبله بس الدراما رهيبه وترجمتكم ارهب شكراً احب هالنوع من الدراما مره

    ردحذف
  4. الدرامة تحمس وحلو اختيارات دراماتكم دايماً تكون حلوه شكراً لكم

    ردحذف
  5. الدراما فعلاً خورافيه من ناحية التمثيل والتصوير والمؤثرات الصوتيه...الخ
    كل شي بيرفكت...وحماااس للاخر ومنتظره الحلقه 5 بشوووووق
    وشككرا لكم على ترجمتكم السريعه شكككرا

    ردحذف

  6. السلام عليكم ورحمه الله وبركاته.
    خفت يوم فتحت التدوينة بإنكم تسحبون عالدراما وتتركون ترجمتها :(
    بصراحة الدراما جدًا جدًا جدًا رااااااائعة ولها ذائقة فريدة مقدر أعبر عنها. جميلة جدًا أبد ماتوقعتهم بيضبطون الاخراج كذا. حتى الكاست رائعيييييييين مرة :(
    وأتفق مع الحلوات اللي فوق خصوصًا كلامهم عن كيم بوم حسيت فيه شيء مب مضبوط بتمثيله يمكن لأنها المرة الأولى لها كبطل دراما، أتوقع عشان مظهره غير مناسب له مررررررررة ناااااحف وضعفان المسكين عشان هالدور :(
    مدري كيف بس أتمنى تتحسن شخصيته أكثر مع باقي الحلقات خصوصًا إنهم للحين ماتكلموا عنه بشكل خاص وعن حياته كل اللي نعرفه إنه شرطي وانفصل لمدة ٦ شهور بعدين راح لفريق التحقيقات وله صديق وحبيبته ماتت ()
    القصة مكررة من ناحية إنه صديقته تموت، ماحبيتها حتى كارهه الممثلة من أيام الورثة، لكن أتمنى يكون فيه شوي رومانسية بينه وبين البطلة () من بداية متابعتي للدراما وأنا أشبكهم مع بعض هههههههههههههههههه
    منتظره باقي الحلقات على جمر، وأتمنى يركزون على أشياء أكثر حماسية وأكشنه وتشويق :*

    ردحذف
  7. انا من الاشخاص اللي كانت تنتظر الدراما بشوووووق وحماااااس لعيون كيم بوم ،والحلقه الاولى والثانيه كانت قمممممة الحمااااااااس لدرجة كل شوي اشيك على المدونة نزلت الحلقه الثالثه والا لسا مع اني عارفه انها لساتها ماعرضت بكوريا بس كل هذا حماس خصوصا ان نهاية الحلقه الثانيه خطيررررره
    لكن للاسف الحلقه ٣ و٤ مخيييييبة جداااا للاملوخصوصا حلقه ٤ قررت بعدها اوقف المتابعه لانها بدل ما انشد واتحمس لقيتني مقهوووره يعني بالله مييين اللي كاتب السيناريو هل هو طفل بالابتدائي مسسسستحيل او ان كاتب السيناريو كان موجهه للاطفال ما ادي ( بقيت الكلام حرق للاحداث اللي ماشاف المسلسل لايكمل قراءة تعليقي )
    طبعا المواقف اللي تقهر كثيرررره بس اللي يحضرني منها الان :
    ١- بالله فيه احد داخل عند قتله محترفين وعارفين ان معاهم رهينة لانهم في انطلاقتهم قالوا لازم ننقذ عبقرية الكمبيوتر ( نسيت اسمها ) المهم وجالسين يتعازمون عند بوابة المدرسه مين اللي يفك القنبله ؟؟؟؟؟؟؟ والاكثر غباء تعليق الهيونج لما راحوا قال وهو يضحك كانهم رايحين يلعبون مو رايحين يفكون قنبله واحتمال يتفجرون معاها جالس يقول: كل واحد يريد ان يثبت تضحيته لاجل الواجب <
    ٢- انا لو ابسآل طفل واقوله اذا كان فيه اثنين بنفس القوه بس واحد انثى والثاني ذكر مين تتوقع يقوى الثاني اكيييد بيقول الرجل ،، الحين البطله طلت من الشباك وشافت انهم مركبين قنبله وانهم معاهم سلاح المهم ممكن المسكينه ما انتبهت للسلاح مع الاحداث دخلت وتخبت خلف الطاوله وشافت المجرم يمشي معاه سلاح طبعا هي بذكائها الخارق فاجئته برفسه من رجولها قلت الحمدلله فيها عقل واستخدمت عنصر المباغته لكن المشكله مو هنا المشكله بتكملة المشهد لما تباغتين واحد وتخلينه يترك سلاح وانتي بينك واياه مسافه والسلاح قريب منك المفترض تاخذين السلاح بسرعه وتصوبينه عليه لكن البطله ماصحلت هالشي رمت السلاح وطلعت اسلحتها المخفيه يدينها صلحت حركت تيكوندوا بيدينها حسستني انهم مو يدين سيوف وطبعا طقها لما قالت بس وتستاهل ماجاها<
    ٣- الان وقت القنبله قصير بس دقائق وتنفجر تتوقعون عبقرية الكمبيوتر بهاللحظه كانت خايفه لا كانت يدينها بس اللي تدل على توترها وجالسه تتكلم وتقول خلوني اموت وانا ما ابغى اعيش وكيم بوم وقائد الفريق يحاولون معاها يقنعونها ان الحياة حلوه وفيه احد بيحزن على موتها اللي هي امها طبعا وبعدها تقتنع الحمدلله انها اقتنعت الحين تفرغوا لفك القنبله وبعد ماقطع سلك والقنبله ما تعطلت قال كيم بوم للقائد اطلع حتى ماتموت قال له بجلس معاك ويحاول يقول له ركز انا ماني عارفه على اي يركز وعلى اي اساس اختار السلك يعني بالافلام الامريكيه يحتارون ويكون نقاشهم اي سلك من الاسلاك الكثيره اللي ممكن يعطل القنبله ويكون اختيارهم لسبب منطقي مبني على معلوماتهم عن المجرم ونفسيته لكن هنا لا الاختيار محدد يخلي الواحد يدري انهم يمثلون وعارفين ان القنبله ماهي حقيقية يعني موقف كبير مثل هذا ماقدروا يخلوني اتحمس او اتآثر لانهم الممثلين انفسهم ماحاولوا يحسسونا انها حقيقية والمشكله طبعا بكاتب السيناريوا اللي خلاهم يركزون على كلام مال لامه داعي<
    ٤- طبعا فيه مشاهد كثيره قاهرتني مثل الهيونج لما كان مناوب كحارس امن اثناء سرقة الكود ،، البطله لما فقدت المجرم اللي جالسه تراقبه من سيارته اثناء عمليه سرقة الكود وغرها كثيير

    النقطه الايجابيه الوحيده بالمسلسل قائد الفريق هو الوحيد اللي عايش الدور صح ومحسسك انه مسئول واكثر مشاهده مقنعه
    اما اسباب مشاهدتي للمسلسل كيم بوم ورغم انه محلو بالمسلسل وشخصيته مغايره للشخصيات اللي سبق مثلها لكن للاسف ماتشفع له اني اضيع وقتي على المشاهدة
    اتمنى يتغير الكاتب او يرجع ويكتب بمستوى الحلقه ١و٢ رغم ان فيهم اخطاء لكنها اخطاء ومبالغات تنبلع وممكن يمشيها الواحد

    ردحذف
    الردود
    1. كلامك صحيح
      عندهم مبالغة بزيادة

      حذف
    2. خليتيني اتراجع عن فكرة تحميل الدراما ومشاهدتها هههههههه مش ناقصة غباء انا xD

      حذف
  8. اول ما قريت النقاش فكرت انكم راح توقفون ترجمه قمطت هههههه :(
    الدراما جميله وزي ماقلتي كلنا كنا متحمسين لكيم بوم ❤
    صراحه ماتوقعت الدراما تكون جميله كذا اول مره اشوف دراما من اول حلقاتها حماس جد شي ممتع !!
    وتمثيل كيم بوم كان ببببببببببببببطل استغربت ليه مستخدمي الانترنت قالو ان تمثيله كان غريب ف البدايه ! شكلهم بس يبغو ينتقدون هههههه :()
    الشرطيه كان ممكن يلقون ممثله اكشن احسن منها ؟ هي موب سيئه بس موب جيده عالقه ف النص =))
    الزبده بشكل عام كل شي حلو جدا جدا انا كنت متفائله من يوم قالو ان مخرجها نفس مخرج باد قايز =()❤❤
    شكرا لكل الي اشتغلو عليها بأنتظار الحلقات الجايه جد حماس شكرا لكم وفايتينق ❤❤❤❤

    ردحذف
  9. عموما نسيت اشكركم على ترجمتكم للمسلسل ماقصرتوا بس مغبونه قههررر من انتظاري اللي راح على الفاضي

    ردحذف
  10. الدراما كانت حظ وطحت عليه من الطفش قلت تفرجي اي شي
    طلعت جميييلة شكرا لكم على الترجمه والموضوع هذا
    ياليت تدرجون الصفحة هذي تحت وسم الدراما علشان نوصل لها بسرعه والله يعطيكم العافيه 3>

    ردحذف
  11. 😂😂😂 جاز لي تعليق اللي تقول من بداية الحلقه وهي تشبك كيم بوم مع البطله نفس حالتي ودي يصير بينهم كذا حركات حبيتهم هالاثنين لو يصيرون مع بعض

    ردحذف
  12. ممكن سؤال غون وو ما اسمه في الحقيقة
    اي ما اسم الممثل

    ردحذف
  13. شكرا انا استمتع بمشاهدتها

    ردحذف
  14. لسا ما شفت من الدراما الا البوستر وبصراحة دراما ما فيها رومنس ما اعرف كيف راح اتابعها بس لما شفت النقاش والتعليقات اتوقع راح اتفرجها مشكورين

    ردحذف
  15. الصراحه جدا انبسطت يوم دريت انكم بترجموها ترجمتكم فعلا تخلي الواحد يستمتع بالمتابعه
    ممكن تنصدموا لكن انا ما اعرف كيم بوم لكن يوم شفت التحول الكبير بشكله
    حسيت انه ممثل بذل كثير عشان يتقمص الشخصيه لكن للاسف جهده راح ع شكله والتثيل ببعض المشاهد قهههرني جدا
    حسسيت فعلا بخيبه امل بتمثيله اللي بعيد عن الشخصيه اللي يقدمها
    الهيونق تابعت له كم عمل اكثر اعماله تحقيق فا يحسسك فعلا انه محقق وتمثيله تماام
    اما العبقري صدمني جدا تمثيله شفت له مسلسل تاريخي كانت شخصيته مختلفه تماما والدور اللي قام فيه بدددع
    اما الحرمه يوم شفت اعلانها كنت متوقعه شخصيه غير عن اللي انعرضت لنا بالدرما لكن تمثيلها وادائها
    حلو ومبين تعبها بهدور
    وقائد الفريق اذا جت مشاهد تخصه انبسط اداائه رااااااااااااااااااااااااااااائه ومليئ بالكريزما

    يوم شفت اعلانات الدرما وقصتها كنت متوقه محتوى غير تماما عن اللي اشوفه الحين
    لكن تضل الدرما ممتعه
    بنتضار الحلقه 5
    ع احر من الجمر وشكرا

    ردحذف
  16. حبيبتي ياليت تضيفين صفحة النقاش لوسم الدراما علشان يسهل الوصول لها

    ردحذف
  17. الدراما مازالت تشدني لها
    الاحداث وتسلسلها يحمس لدرججة اني ماانتبه الا وهي مخلصه
    بس اخر شيي بأخر حلقه نزلت 3/>

    ردحذف
  18. اول شي كنت متحمسه لها على اساس بتصير واو
    بس اولا احس هيئة البطله ماتناسب مرره نحيفه يمكن لو قاصه شعرها بوي او اي شي يعطيها مظهر رجولي ممكن اتقبلها شوي
    يعني الكواريه موب مثل اكشن الامريكيين لان هيئتهم موب بيبي فيس واجسامهم جثله شوي فالدور يصير مقنع شوي

    البطل السمين شوي موب حق الكمبيوتر الثاني هذا ابدا ما احس يناسب في مثل هالدراما ويقهرني هم حاطينه على اساس يعطي جو كوميدي لكن للاسف موب شرط يصير سمين عشان يصير كوميدي. مازالت هالعقده في الكواريه.

    رئيس الفريق اكثر واحد ظابط الدور ورهيييييب.

    بعدين تعرفون نظام الاكشن دايم اللي في اخر الموقف تظبط معهم ويوم جابوا القنبله كان شي متووقع انها ماراح تنفجر فكره مكرره.

    ثالثا نص القتال جسدي وسكاكين.. ؟! نعممم مافيه مسدسات
    يعني عصابه على مستوى هربت بشر ماعندها مخزون اسلحه.. ؟!

    بعدين واحد يكفخ افراد عصابه تقريبا 6 اشوف فيلم هندي انا.. ؟!
    طبعا كلهم مايهجمون مره وحده ينتظرونه O_o

    في النهايه مازال الاكشن الكوري يحتاج لتطوير ويطلعون عن فكره السكاكين والقنبله اللي في اخر لحظة والبطل اللي لايهزم
    لان فيه شي اسمه اكشن نفسي









    ردحذف
  19. لما تنتهي الدراما رح افضفض كل خقتي هنا بس كونو بنتظاري

    ردحذف

رجاءً || الأستفسارات بصفحتها الخاصة , مواعيد نـزول الحلقات مرتبط بموعد انتهاء ترجمتها الانجليزية
مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ

No.2